კამათი მანქანის დაპარკინგების თემაზე დაჭრით დასრულდა

ბათუმში, გამსახურდიას ქუჩაზე ერთი პირი დაჭრეს. ამის შესახებ ინფორმაციას ajaratimes ავრცელებს. გავრცელებული ინფორმაციით, შემთხვევის ადგილზე სასწრაფო სამედიცინო დახმარების ექიმები და პოლიციელები იმყოფებიან. საინფორმაციო სააგენტოს ცნობით, თვითმხილველები ამბობენ, რომ დაჭრას წინ ორ პირს შორის ინციდენტი უძღვოდა. ისინი მანქანის დაპარკინგების თემაზე წაკამათდნენ.