“საშინელი ტრაგედია ტრიალებს… _ 22 წლის სამხედროს ზეგ დაკრძალავენ”

სენაკში 22 წლის ახალგაზრდას გლოვობენ - ალიკა ლაკია 25 აპრილს, მძიმე ავარიას ემსხვერპლა. "საშინელი ტრაგედია ტრიალებს.... 22 წლის სამხედროს ზეგ დაკრძალავენ. პატიოსანი ბიჭი იყო.... რამდენი გეგმა დარჩა შესასრულებელი. ალიკა არ იმსახურებდა ასეთ საშინელ სიკვდილს", _ წერენ გარდაცვლილის ახლობლები სოციალურ ქსელში. შეგახსენებთ, ავტოსაგზაო შემთხვევა ხობი-ფოთის გზაზე მოხდა. ავტომობილი, რომელსაც ალიკა ლაკია მართავდა, მეორე ავტომობილს შეეჯხა და ცეცხლი გაუჩნდა. სამწუხაროდ, ახალგაზრდა ადგილზე დაიღუპა. ამასთან, მძიმედ დაშავდა მეორე ავტომობილში მყოფი ერთი პირი.