ჟურნალისტური ეთიკის ქარტია შსს-ს „მთის ამბების“ კუთვნილი ავტომობილის დაზიანების ფაქტის გამოძიებისკენ მოუწოდებს

ქარტია შეშფოთებას გამოთქვამს „მთის ამბების“ კუთვნილი ავტომობილის დაზიანების გამო. "გამოცემის რედაქტორმა გელა მთივლიშვილმა ამ შემთხვევის შესახებ ინფორმაცია სოციალურ ქსელში გაავრცელა. მან თავდამსხმელი ვიდეოსამეთვალყურეო სისტემის ჩანაწერიდან ამოიცნო. ჟურნალისტი, რომელმაც უკვე მიმართა 112-ს, ინციდენტს მის პროფესიულ საქმიანობას უკავშირებს. ჟურნალისტური ეთიკის ქარტია საგამოძიებო ორგანოებს მოუწოდებს, ამ შემთხვევით დაინტერესდნენ და სწრაფად გამოიძიონ",_ ნათქვამია განცხადებაში.