შენობის სახურავიდან მოზარდი გადმოვარდა

არსებული ინფორმაციით, ბათუმში, მელიქიშვილის ქუჩაზე, შენობის სახურავიდან მოზარდი გადმოვარდა. დაშავებული სასწრაფო სამედიცინო დახმარების ბრიგადამ კლინიკაში გადაიყვანა - ინფორმაციას “ინტერპრესნიუსი” ავრცელებს. როგორც გამოცემას კლინიკაში განუცხადეს, მოზარდის სიცოცხლეს საფრთხე არ ემუქრება. გავრცელებული ინფორმაციით, შენობაში, საიდანაც, მოზარდი, სავარაუდოდ, გადმოვარდა, ამ ეტაპზე სარემონტო სამუშაოები მიმდინარეობს. შემთხვევის ადგილზე სამაშველო სამსახურის თანამშრომლები და სამართალდამცველები არიან მობილიზებული. "მთავარი" ინფორმაციის გადამოწმება შსს-სთან და სასწრაფო სამედიცინო სამსახურებთან ცდილობს.