შეხვედრა გადარჩენილ ცოლთან _ რა ხდება ვაგზლის მოედანზე

"შეხვედრა გადარჩენილ ცოლთან" _ ამ აღწერით ვიდეოს ფეისბუქგვერდი "ჩემი ქალაქი მკლავს" ავრცელებს. ინფორმაციისთვის, ვაგზლის მოედანზე ცოტა ხნის წინ სახლის ფასადის ნაწილი ჩამოინგრა. შემთხვევის შედეგად დაიღუპა 1 და დაშავდა 1 ადამიანი. მომხდართან დაკავშირებით შსს-მ განცხადება გაავრცელა. შინაგან საქმეთა სამინისტროს მიერ, თბილისში, „სადგურის მოედნის“ მიმდებარე ტერიტორიაზე მდებარე ერთ-ერთ საცხოვრებელ კორპუსში მომხდარი ნგრევის შესახებ შეტყობინების მიღებისთანავე, მოხდა საგანგებო სიტუაციების მართვის სამსახურის მეხანძრე-მაშველებისა და საპოლიციო ძალების მობილიზება. ადგილზე მისვლისთანავე, მეხანძრე-მაშველებმა ჩამონგრეული შენობის მიმდებარე ტერიტორიიდან მყისიერად განახორციელეს მოქალაქეების ევაკუაცია. მიმდინარეობს ტერიტორიის ნანგრევებისგან გაწმენდა და აქტიური საძიებო-სამაშველო ღონისძიებები. ადგილზე იმყოფებიან სასწრაფო სამედიცინო დახმარების თანამშრომლები. შინაგან საქმეთა სამინისტრო მოუწოდებს მოქალაქეებს, ასევე, ადგილზე მყოფ ყველა მედიასაშუალების წარმომადგენელს, დაემორჩილონ შინაგან საქმეთა სამინისტროს თანამშრომლების მითითებებს და დაიცვან უსაფრთხოების ნორმები.